Kanada hakimiyyəti İrana qarşı sanksiyalar siyahısına daha doqquz şəxs və bir təşkilat əlavə edib.
Bu barədə çərşənbə günü Kanada Xarici İşlər Nazirliyinin saytında yerləşdirilən məlumatda deyilir.
Ottavaya görə, yeni müttəhimlər İranda insan hüquqlarının pozulması ilə bağlıdır. Onların arasında İslam İnqilabı Keşikçiləri Korpusunun (SEPAH) və əxlaq polisinin nümayəndələri də var.
Həmçinin. Rusiyaya PUA tədarükü ilə əlaqəli olan “Paravar Pars” şirkətinin, eləcə də İran həbsxanalarından birinin rəhbərliyi də məhdudlaşdırıcı tədbirlərə məruz qalıb.
Qeyd edək ki, siyahıda olan İran vətəndaşlarının Şimali Amerika ölkəsinə girişi qadağan ediləcək və onların Kanadadakı mümkün bank hesabları dondurulacaq.
Mənbə: TASS
