"Kreml döyüş meydanındakı vəziyyəti şərh etmir. Müdafiə Nazirliyi xüsusi hərbi əməliyyatın təfərrüatları barədə məlumat vermək səlahiyyətinə malikdir".
APA-nın Moskva müxbiri xəbər verir ki, bunu Rusiya prezidentinin mətbuat katibi Dmitri Peskov Ukrayna prezidenti Volodimir Zelenskinin Belqorod vilayətində Ukrayna birləşmələrinin olması ilə bağlı açıqlamalarını şərh edərkən deyib.
Onun sözlərinə görə, bu, birbaşa hərbi əməliyyatın təfərrüatlarına aiddir. "Ona görə də bu cür suallar bizim Müdafiə Nazirliyimizə ünvanlanmalıdır. Biz döyüş meydanındakı real vəziyyətlə bağlı məlumat vermirik", - Kremlin sözçüsü əlavə edib.
Qeyd edək ki, dünən Ukrayna prezidenti Volodimir Zelenski Rusiyanın Kursk və Belqorod vilayətlərində Ukrayna birləşmələrinin fəaliyyətini açıqlama verib.
Xatırladaq ki, ötən ilin avqustunda Ukrayna ordusu Rusiyanın Kursk vilayətinə daxil olaraq 1000 kvadrat kilometrdən çoz ərazini nəzarətə götürüblər. Rusiya Silahlı Qüvvələri hazırda Ukrayna Silahlı Qüvvələrinin Kurskda nəzarətə götürdüyü ərazinin 86%-dən çoxunu geri qaytarıb və Ukraynanən Sumı vilayətinə daxil olub.
