Misir və Suriya arasında 15 ildən sonra birbaşa uçuşlar bərpa olunur

Suriya Hava Yolları 5 dekabrdan etibarən Dəməşq-Qahirə arasında müntəzəm birbaşa uçuşlara başlayacaq. Sherg.az xəbər verir ki, Qahirə-Hələb reysləri isə 7 dekabrda həyata keçiriləcək.

Birbaşa uçuşlar 2011-ci ildən dayandırılmışdı. İki ölkə arasında hava əlaqəsinin bərpası məqsədilə noyabrın 18-də müvafiq protokol imzalanıb.

Yeni reyslərin Suriya və Misir arasında hava nəqliyyatını gücləndirəcəyi və sərnişinlər üçün əlavə imkanlar yaradacağı bildirilir.