Meksika hökümətinin Perunun keçmiş prezidenti Pedro Castillonun ailəsinə sığınacaq verməsinin ardından iki ölkə arasında gərginlik pik nöqtəyə çatıb.
"Sherg.az" xəbər verir ki, Peru hökuməti Meksikanın Lima səfiri Pablo Monroy Conesayı "arzuolunmaz şəxs" elan etdi. Peru xarici işlər naziri Ana Gervasi açıqlamasında, Castillonun ailəsinə sığınacaq verən səfir Pablo Monroy Conesanın ölkəni tərk etməsi üçün 72 saat vaxt verildiyini bildirdi.
Qeyd edək ki, Gervasi bu qərarın Meksika hökümətinin Perunun daxili işlərinə müdaxilə etdiyi üçün verildiyini söyləyib.
Mənbə:CNN Türk
