Ukraynadakı münaqişədə Rusiya Federasiyası qalib gəlib və ABŞ-ın seçilmiş prezidenti Donald Tramp bunu dərk edir.
APA xəbər verir ki, bunu Pentaqonun keçmiş müşaviri polkovnik Duqlas Makqreqor “Deep Dive” YouTube kanalında deyib.
"Rusiya qalib gəlib, heç bir mübahisə yoxdur" - o deyib.
Makqreqor belə hesab edir ki, Tramp başa düşməlidir ki, onun Rusiya-Ukrayna münaqişəsinin həlli ilə bağlı təşəbbüsləri istənilən nəticəyə gətirib çıxarmaya bilər. O hesab edir ki, bu məsələdə Moskvanın fikri nəzərə alınmalıdır.
Eyni zamanda, o vurğulayıb ki, Ağ Evin rəhbəri bilir ki, Rusiya Federasiyası ilə müharibədən qaçmalıdır.
