Rusiya Ukraynaya uzaqmənzilli dəqiq idarə olunan silahlar və hücum dronlarından istifadə edərək kütləvi zərbə endirib.
APA-nın Moskva bürosu xəbər verir ki, bu barədə Rusiya Müdafiə Nazirliyi məlumat yayıb.
Bildirilib ki, Ukrayna hücumlarına cavab olaraq, Rusiya ordusu Ukrayna müdafiə sənayesi obyektlərinə, hərbi aerodromlara və Ukrayna Silahlı Qüvvələri tərəfindən istifadə edilən yanacaq və nəqliyyat infrastrukturu obyektlərinə uzaqmənzilli dəqiq idarə olunan silahlar və hücum dronlarından istifadə edərək kütləvi hücum həyata keçirib: "Zərbənin məqsədlərinə nail olunub və bütün təyin olunmuş hədəflər məhv edilib".
Rusiyanın kütləvi zərbə zamanı təxminən 1500 dron, "Kinjal", "İsgəndər" və "X-101" raketləri də daxil olmaqla, 50-dən çox raketdən istifadə etdiyi bildirilib.
Kiyev, Xarkov, Odessa bölgəsindəki Çornomorsk limanı və bir neçə digər bölgə hədəfə alınıb.
