Rusiya Federal Təhlükəsizlik Xidməti (FSB) Pyatiqorsk şəhərində yəhudi dini icmasının binasını yandırmaq istəyən şəxsi saxlayıb.
Bakupost.az xəbər verir ki, bu barədə “RIA Novosti” məlumat yayıb.
Məlumata görə, “FSB” əməkdaşları tərəfindən saxlanılan rusiyalı şəxs icmanın binasını “Molotov kokteyli”ndən istifadə etməklə yandırmağı planlaşdırıb. Onun üzərindən bıçaqlar və xaricdəki koordinatorla yazışmaların yer aldığı rabitə vasitələri aşkarlanıb.
Hadisə ilə bağlı həmin şəxs barəsində terror aktına hazırlıq ittihamı ilə cinayət işi başlanıb.
