İran Prezidenti Məsud Pezeşkianın ölkədə yanacağın bahalaşacağı ehtimalı barədə çıxışından sonra siyasi, xüsusən SEPAH-da olan rəqiblərinin təzyiq və təhdid bəyanatları artıb.
Axar.az xəbər verir ki, bu bəyanatlardan birini SEPAH-ın Xatəm əl-Ənbiya Qərargahının keçmiş komandiri Səid Məhəmmədi səsləndirib.
“Ehtiyatlı olun, siz minalı sahədə hərəkət edirsiniz və ilk səhviniz sonuncu səhviniz olacaq”, - SEPAH komandiri bildirib.
Qeyd edək ki, iki gün əvvəl Pezeşkian deyib ki, benzinin idxalına pul ayrılanda, büdcə kəsiri yaranır və bu da inflyasiyaya, aztəminatlı təbəqənin zərər görməsinə səbəb olur:
“Ona görə də parlament idxala valyuta ayırmasa, benzinin bahalaşacağı qaçılmazdır”.
