Ukrayna parlamenti Rusiya ordusunun istifadə etdiyi rəmzlərə qadağa qoyan qanun layihəsini ikinci oxunuşda təsdiq edib.
“Report” xəbər verir ki, bu barədə millət vəkili Yaroslav Jelezniak teleqram kanalında bildirib.
Həmin qanun Rusiyanın mövcud rejimini və Ukraynada apardığı müharibəni təbliğ edən hər cür məlumatlara qadağa qoyur.
Qanunda Rusiya ordusunun istifadə etdiyi “Z” və “V” simvolları, onları kiril əlifbasında əks etdirən hərflər qadağan olunub.
