ABŞ administrasiyası Çinə Amerika istehsalı olan silahların satışını planlaşdırmır.
Teleqraf xəbər verir ki, bu barədə “The Wall Street Journal” (WSJ) qəzeti ABŞ administrasiyasındakı mənbələrinə istinadən məlumat yayıb.
Məlumata görə, ABŞ-nin Çindəki səfiri Devid Perdyu sentyabrın 27-də "Fox News" telekanalına müsahibəsində Prezident Donald Trampın Çin lideri Si Cinpindən nə vaxtsa Amerika silahlarını almaq istəyib-istəməyəcəyini soruşduğunu bildirib.
Lakin ABŞ administrasiyasının rəsmisi WSJ-yə açıqlamasında Vaşinqtonun Pekinə silah satmaq niyyətində olmadığını vurğulayıb.
Administrasiyanın digər nümayəndəsi isə Çinə silah satışının ABŞ qanunvericiliyi ilə qadağan edildiyini və Vaşinqtonun Pekinə bununla bağlı heç bir təklif göndərmədiyini açıqlayıb.
