Ukrayna Prezidenti Volodimir Zelenski Kiyevin Qərb tərəfdaşlarını Ukraynaya vəd edilmiş 200 raketi verməməkdə ittiham edib.
Teleqraf xəbər verir ki, Zelenski videoçıxışında qeyd edib:
"Bizə raketlər lazımdır. Razılaşma əldə etdiyimiz və artıq vəsait köçürdüyümüz ölkələr var. Norveçə vəd edilən 200 raketin pulunu ödəməyə hazırıq. Bu 200 raketdən heç biri bu günə qədər bizə verilməyib".
O əlavə edib ki, Kiyev raketlərin alınması üçün əlindən gələni edəcək: "Bu, böyük bir problemdir; təchizatların təfərrüatını indi müzakirə etməyəcəyik və ya açıqlamayacağıq. Hesab edirəm ki, bu, tərəfdaşlarımızla bağlı böyük bir problemdir. Biz sadəcə tərəfdaşlarımızdan razılaşdıqları şeyi etmələrini istəyirik. Çox şey istəmirik; qoy razılaşdıqları, imzaladıqları və ya vəd etdikləri şeyləri yerinə yetirsinlər. Bu gün bu addımlarda yavaşlama görürük".
Ukrayna hakimiyyəti mütəmadi olaraq tərəfdaşlarından silah təchizatını, xüsusən də hava hücumundan müdafiə sistemləri üçün raketləri artırmağı xahiş edir.
