"Rusiya Ukraynadakı müharibəni yalnız iqtisadi səbəblərdən “məcbur ediləcəyi” halda dayandıra bilər".
Teleqraf xəbər verir ki bunu Almaniya kansleri Fridrix Merts "Sky News"a müsahibəsində deyib.
Onun sözlərinə görə, son həftələrin sülh təşəbbüsləri Rusiyanın Ukraynaya qarşı “aqressiv yanaşması” ilə üzləşib:
“Bu, o vaxta qədər dayanmayacaq ki, Rusiya, ən azı iqtisadi, bəlkə də hərbi səbəblərə görə bu müharibəni davam etdirə bilməsin. Biz Ukraynanın kapitulyasiyasını istəmirik. Belə bir vəziyyət yalnız Rusiyaya vaxt qazandırar, Putin isə bu vaxtdan növbəti müharibəyə hazırlaşmaq üçün istifadə edər”.
Qeyd edək ki, bundan əvvəl Finlandiya Prezidenti də Rusiyaya təzyiq göstərməyin vacibliyini bildirmişdi.
