Meteorologiya xəbərdarlıq etdi
Suriyadan gələcək toz buludları 3 gün ərzində Türkiyənin Şərqi Aralıq dənizi və Cənub-Şərqi Anadolu bölgəsinə təsirini göstərəcək.
Sherg.az xəbər verir ki, Ətraf Mühit, Şəhərsalma və İqlim Dəyişiklikləri Nazirliyi Meteorologiya Baş İdarəsinin Hava Proqnozları mütəxəssisi Abdullah Macit verdiyi açıqlamada, Suriyadan gələn toz buludları ilə xüsusilə bu gün və sabah Şərqi Aralıq dənizi və Cənub-Şərqi Anadolu bölgələrində tozun yayılacağını gözlədiklərini söyləyib.
Abdullah Macit bildirib ki, Adana, Hatay, Kahramanmaraş, Kilis, Qaziantep, Şanlıurfa və Adıyaman ətrafında görünəcək toz dumanı cümə axşamı günü təsirini itirəcək.
Səhra tozunu daşıyan küləklər səbəbiylə diqqətli olmağın vacibliyini bildirən Macit, "Yağış yağmadığı üçün toz palçığa çevrilməyəcək, amma havanın keyfiyyətində azalma olacaq. Xüsusilə xroniki xəstəlikləri olan vətəndaşların diqqətli olmasını istəyirik" deyib.
