UEFA Çempionlar Liqasının yarımfinal mərhələsinin ilk oyununda Fransa təmsilçisi PSJ səfərdə İngiltərənin "Arsenal" klubuna qalib gəlib.
“Report” xəbər verir ki, "Emireyts" stadionunda baş tutan matçda qonaqlar 1:0 hesablı qələbəyə seviniblər.
Yeganə qolu 4-cü dəqiqədə Usman Dembele londonluların qapısından keçirib.
Tərəflər arasında cavab görüşü mayın 7-də reallaşacaq.
Qeyd edək ki, yarımfinalın digər qarşılaşması bu gün, İspaniyada “Barselona” və “İnter” (İtaliya) arasında gerçəkləşəcək.
