Onlayn qəzet

Digər kateqoriyalar

539 il öncəki cinayət - Böyük Britaniya kralı sirri açmaq üçün hərəkətə keçdi

12:13 15.10.2022 Gündəm 281
 Anası II Yelizavetanın ölümüylə, nəhayət, taxt-tacın “dadını” çıxarmağa başlayan Böyük Britaniya kralı Çarlz 539 il öncə törədilmiş cinayətin açılması üçün isitntaqa başlanmasına izin verib. Bu barədə “NTV.com.tr” məlumat verib. Qeyd edilir ki, kral Çarlz 539 il əvvəl qətlə yetirilmiş 2 şahzadəyə aid olduğu ehtimal edilən sümüklərin DNA testindən keçirilməsi fikrini dəstəkləyib. 539 il əvvəl törədilmiş cinayət İngiltərə tarixinə “Qaladakı şahzadələr” adı ilə düşüb. Kral Çarlzın bu cinayətin araşdırılmasına izin verməsiylə böyük bir sirrin ortaya çıxacağı təxmin edilir. Halbuki, mərhum kraliça II Yelizaveta kral III Riçard və şahzadə V Edvarda aid olduğu ehtimal edilən qalıqların test edilməsinə izin verməmişdi. Kral Çarlz isə arxeologiya elminə xüsusi marağı ilə seçilir. Onun 539 il əvvəl baş vermiş cinayətin araşdırılmasına razılığı həm də bununla bağlıdır. Bu cinayət hadisəsi 1483-cü ildə Londonda baş verib. V Edvard atası İV Edvardın ölümündən sonra taxta çıxmağa hazırlaşarkən kiçik qardaşı ilə birlikdə London qalasında həbs edilir. Taxta isə əmiləri III Riçard sahiblənir. Edvard və kiçik qardaşınınsa məhz III Riçardın əmriylə qətlə yetirildiyi deyilir. Qalaya həbs edilən qardaşlar qeyri-qanuni varislər elan edildikdən sonra bir daha kimsə onları görməyib - əgər danışılanlar doğrudursa, təbii ki, onları qətlə yetirəndən savayı. Bu cinayət hətta Uilyam Şekspirin “III Riçard” əsərində də yer alıb. Və xalq arasında kral ailəsi haqqında müxtəlif rəvayətlərə rəvac verib. Şahzadə qardaşların birdən-birə ortadan yox olması əsrlərdir sirr olaraq qalmaqdadır. İngiltərə kral saraylarının ortaq baş kuratoru Tracy Borman II Yelizavetanın şahzadələrlə bağlı hər hansı araşdırma aparılmasına qarşı çıxdığını, lakin kral Çarlzın fərqli düşüncəyə sahib olduğunu deyib. T.Borman kral Çarlzın şahzadələrlə bağlı DNA testinin aparılıması fikrini dəstəklədiyini və izin verdiyini bildirib. İngiltərə tarixçiləri bununla da nəhayət 539 il əvvəl baş vermiş cinayətin açılacağına ümid edirlər.

Yazarın bütün yazılarına bax

Oxşar xəbərlər

post-slider
Yeni münaqişəyə hazırlıq görülür - GÜNDƏM
09:34 29.01.2025
post-slider
"Binokl diplomatiyası"nda bir neçə məqsəd güdülür - ANALİTİK
07:48 29.01.2025
post-slider
Bəzi ştatlar ABŞ-dən ayrılmaq haqda düşünür - ŞƏRH
06:39 29.01.2025
post-slider
Zəhərlənmələr: İlk addım, ilk yardım...
05:50 29.01.2025
post-slider
Putin Rusiya-Ukrayna müharibəsi haqqında: Bir ay yarım ya iki aya bitə bilər...
23:57 28.01.2025
post-slider
İspaniya Ukraynaya 10 milyon avroluq humanitar yardım göndərəcək
22:49 28.01.2025

Xəbər lenti

Hamısına bax