Yenicə universiteti bitirən şəxsin stajı ola bilməz
Sosioloq Lalə Mehralı feysbuk hesabında marqlı bir paylaşın edib. O, belə bir fikir bildirib:
“Böyüklərdə gecikdim, amma kiçik oğlumda o səhvi etməyəcəm. Hələ bağçaya gedir, fabrik-zavoda təcrübəyə göndərəcəm ki, universiteti bitirəndə stajı olsun. Çünki belə bir ölkədə böyüyəcək. Universiteti yenicə bitirəndən staj istəyən kütbeyinlərlə birlikdə yaşayacaq”.
Hadisəyə münasibət bildirən sosioloq Mətanət Məmmədova "Sherg.az"a bildirib ki, hazırda ölkəmizdə gənclərin işlə təmin olunması problemli məsələlərdən biridir:
“Xüsusilə də universiteti yenicə bitirmiş tələbələr belə problemlə üzləşirlər. Müəssisələr, idarələr iş stajı olan mütəxəssislərlə işləmək istədikləri üçün, tələbələrlə işləmək istəmirlər. Bunun qarşısını almaq üçün tələbənin gələcəkdə ixtisasına uyğun olaraq işləmək istədiyi iş yeri bəlli olmalıdır. Universitet, təhsil nazirliyi və iş yerləri üçbucağı yaradılmalıdır. Həmin üçbucaq tələbələrin gələcəkdə işlə təminatının əsasını qoyur. Əgər belə bir şərait yaradılmasa gələcək zamanlarda da tələbələr işsiz qalacaq. Ölkədə işləmək üçün imtahan testi verərək müsabiqədən keçmələrinə baxmayaraq həmin şəxsləri iş yerlərinə dəvət etmirlər. Nə üçün gənclərin qarşısında maneələr var və pullu dayısı olmadan işlə təmin olunmurlar. Bütün bu problemlər aradan qaldırılmalıdır. Yenicə universiteti bitirən şəxsin stajı ola bilməz. Bu anormal yanaşmadır. Maneələr aradan götürülməsə gənclər işlə təmin oluna bilməyəcək və evlilik yaşları da ötüb keçəcək”.
