Məşhur ifaçı səhnəylə vidalaşdı
“Hello”, “Someone Like You”, “Easy On Me” və “Rolling in the Deep” hit mahnılarıyla məşhurlaşmış britaniyalı müğənni Adel Las-Veqasda səhnəyə çıxıb. "Weekends With Adele" adlı şou-proqramla tamaşaçılar önünə çıxan müğənninin səhnə ilə, pərəstişkarları ilə vidalaşacağını kimsə bilməyib. Lakin müğənni şou-proqram əsnasında sonuncu konserti olduğunu söyləyib və bir daha səhnəyə çıxmayacağını deyib. Las-Veqasda 100-cü konsertini verən Adel iki ilə yaxın davam edən Las-Veqas şoularının finalında göz yaşlarını saxlaya bilməyib. "Caesars Palace"də musiqisevərlərlə görüşən 36 yaşlı britaniyalı sənətçi musiqi ilə bağlı heç bir planının olmadığını ifadə edərək, “bu konsertlərin bitəcəyinə çox üzülürəm, amma baş tutduğu üçün çox xoşbəxtəm. Bu mərhələ üçün çox darıxacağam, sənin üçün çox darıxacağam. Yenidən nə vaxt səhnəyə çıxmaq istədiyimi isə bilmirəm”, söyləyib.
