"Barselona"nın futbolçusu Alexandro Baldenin agenti Jorje Mendeş müdafiəçi üçün gələn təkliflər haqda danışıb.
QOL.az xəbər verir ki, bu barədə "Mundo Deportivo" nəşri məlumat yayıb. O deyib:
"Barselona" Baldeyə görə böyük klublardan gələn təklifləri rədd etdi. Ona görə də o, klubla müqaviləsini yenilədi. Mənim üçün şübhə yoxdur ki, o, dünyanın ən yaxşı sol cinah müdafiəçisi olacaq".
Qeyd edək ki, Alexandro Balde bu mövsüm "Barselona"nın heyətində 22 oyuna çıxaraq 4 qolun ötürməsini edib. Onun Kataloniya klubu ilə müqaviləsi 2028-ci ilin yayına qədərdir.
