"ABŞ-nin keçmiş lideri Co Bayden prezidentliyi dövründə Rusiyanı məhv etmək istəyirdi".
Teleqraf xəbər verir ki, bunu Braziliya Prezidenti Luiz İnasio Lula da Silva "Le Monde" nəşrinə müsahibəsində deyib.
O, Ukrayndakı vəziyyəti şərh edərkən qeyd edib ki, Rusiya hərbi əməliyyatları dayandırmalıdır.
Prezident vurğulayıb ki, bu müharibədə Qərb ölkələri də məsuliyyət daşıyır.
O, həmçinin Baydenin planlarından da danışıb:
"Bu barədə uzun-uzadı danışdığım Co Bayden Rusiyanı məhv etmək lazım olduğuna inanırdı. Uzun müddət dünyanın qızıl orta mövqeyini tutan Avropa isə Vaşinqtona qoşuldu və indi yenidən silahlanmaya milyardlar xərcləyir. Bu, məni narahat edir. Belə halda heç vaxt sülh olmayacaq".
Braziliya lideri, həmçinin Rusiya - Ukrayna arasında vasitəçilik etməyə hazır olduqlarını bildirib.
