İran Prezidenti Məsud Pezeşkian Şuşa şəhərinə səfər edib.
Teleqraf xəbər verir ki, o, iyulun 4-də Xankəndi şəhərində İqtisadi Əməkdaşlıq Təşkilatının (ECO) Xankəndi şəhərində keçirilən 17-ci Zirvə görüşündə iştirak edib.
Daha sonra Azərbaycan Prezidenti İlham Əliyev və İran Prezidenti Məsud Pezeşkian birlikdə Şuşaya gediblər.
Dövlət başçıları şəhərin mənzərəsini seyr ediblər.
İlham Əliyev və Məsud Pezeşkian Azərbaycan dilində söhbət ediblər.
Dövlət başçıları şəhərin mənzərəsini seyr ediblər. Onlar Yuxarı Gövhər Ağa məscidinə baxıblar.
İlham Əliyev iranlı həmkarına işğal dövründə Ermənistanın Şuşada törətdiyi vandalizm aktları və hazırda həyata keçirilən abadlıq-quruculuq işləri barədə məlumat verib.
İlham Əliyev: Şuşada 17 məhəllə, 17 məscid olub.
Məsud Pezeşkian: Halal olsun.
İlham Əliyev: 16-sını tam dağıdıblar, 1-ni isə yarı dağıdıblar. Hər yeri bu cür viran qoyublar.
Bunlar hamısı yeni binalardır. Hazırda olduğumuz bina yenidir. Ora mehmanxanadır. Bu isə bərpa edilmiş məsciddir.
Məsud Pezeşkian: Çox qəşəng yerdir.
