Onlayn qəzet

Digər kateqoriyalar

Ac, susuz saxlandı: İşgəncə ilə öldürüldü

09:16 05.03.2024 Gündəm 337
  Türkiyənin Adana bölgəsində portağal bağçasında meyiti tapılan 18 yaşlı İpək Akgülün işgəncə ilə öldürüldüyü məlum olub. “Sherg.az” “Milliyet.com.tr”yə istinadən bildirir ki, İpəyin anası Sihan Akgül qızının günlərlə ac, susuz saxlandığını, 5 nəfər tərəfindən işgəncə ilə öldürüldüyünü deyib. Hadisə Adananın Yumurtalıq bölgəsi, Asmalı məhəlləsində baş verib. Əmrah və Sihan Akgülün 3 övladından ən kiçiyi olan İpək portağal bağçasında Yaşar B. adlı şəxslə mübahisə edib. Mübahisə zamanı Yaşar B. İpəyin başından tapanca ilə vuraraq öldürüb. Sonra isə qızın meyitini yaxınlıqdakı tarlada, su quyusunda basdırıb. Daha sonra isə özü polisə zəng edərək qətl törətdiyini xəbər verib. Bölgəyə gələn polis əməkdaşları Yaşar B.-ni həbs edib. Şübhəli polisə qızı basdırdığı yeri nişan verib. Qızın cəsədi su quyusundan çıxarılıb. İpəyin dəfn mərasimində anası Sihan Akgül qızının guya sevgilisi tərəfindən öldürüldüyü iddialarına qarşı çıxıb: “Qızımın sevgilisi olmayıb. Qızım, 4-5 adam tərəfindən işgəncə görüb, qəddarlıqla öldürülüb. Onu neçə gün ac-susuz saxlayıb, sonra qətlə yetiriblər. Qızımın bədənində bir neçə yerdə yara, işgəncə izləri, qırıq vardı. Onu qəddarlıqla döyüblər”. Ana bildirib ki, şübhəli şəxslərdən 3-ü yaxalanıb. 2 nəfərsə hələ də azadlıqda gəzir. “Sadəcə, o canilərə bunu söyləmək istəyirəm. Siz, mənim qızımdan nə istədiniz? Əynimə geyindiyim qızımın köynəyidir. Mən hər gün onun köynəyini geyinirəm və bu köynəyin içində əriyib bitirəm. Mənim qızım sizə neylədi? Onu niyə belə parça-parça etdiniz? Bu gün, sabah hamınızı həbs edəcəklər. Ədalət qarşısında cavab verməli olacaqsınız”, söyləyən ana Sihan Akgül İpəyin faciəsini unutmamağa çağırıb. “İpək kimi gənc qızlarımız çoxdur. Onların da həyatı təhlükədədir. Hər gün bir qızımız ölür. Anaları fəryad edir. Bu gün qızım ikinci dəfə torpağa basdırılır. Bir dəfə onu quyuya basdırıblar. İndi isə mən onu məzarlıqda torpağa basdırıram. Mənim İpəyim öldü, başqa “İpəklər” ölməsin. Ədalət yerini tapsın”.

Oxşar xəbərlər

Əgər ixtisarlar gedirsə, parlamentdə də aparılmalıdır - Tural Abbaslı
Əgər ixtisarlar gedirsə, parlamentdə də aparılmalıdır - Tural Abbaslı
18:52 25.08.2026
“Erməni diasporu qan üzərindən siyasət qurub” - Natiq Miridən SƏRT AÇIQLAMA
“Erməni diasporu qan üzərindən siyasət qurub” - Natiq Miridən SƏRT AÇIQLAMA
18:18 25.08.2026
Erməni politoloq: Azərbaycanın Köçəryan və Sarkisyana ciddi sualları ola bilər
Erməni politoloq: Azərbaycanın Köçəryan və Sarkisyana ciddi sualları ola bilər
17:18 25.08.2026
Paşinyan: “Keçmiş hakimiyyətin nümayəndələri xalqın iradəsi ilə həbsdə olmalıdır”
Paşinyan: “Keçmiş hakimiyyətin nümayəndələri xalqın iradəsi ilə həbsdə olmalıdır”
16:59 25.08.2026
"Azərxalça" ilə "Azəripək" birləşdirildi - FƏRMAN
"Azərxalça" ilə "Azəripək" birləşdirildi - FƏRMAN
16:53 25.08.2026
“Özbək telekanalları Azərbaycanda yayımlanmalıdır” - Ekspertdən TÜRK DÜNYASI ÇAĞIRIŞI
“Özbək telekanalları Azərbaycanda yayımlanmalıdır” - Ekspertdən TÜRK DÜNYASI ÇAĞIRIŞI
16:51 25.08.2026

Xəbər lenti

Hamısına bax