Azərbaycan polisi və tibb işçiləri Qarabağın erməniəsilli sakinlərinə köməklik göstəriblər.
Bu barədə “Report”un Şuşaya ezam olunmuş əməkdaşı xəbər verir.
Belə ki, ərazidə xidmət aparan polislər içərisində erməniəsilli sakinlər olan avtomobilin yolun kənarında dayandığını görüblər. Dərhal Şuşa polisi köməklik məqsədilə avtomobilə yaxınlaşıb. Onlar avtomobilin içərisində olan iki erməniəsilli sakinin halının pisləşdiyini görüblər və əraziyə təcili tibbi yardım briqadası çağırıblar.
Dərhal əraziyə gələn tibb işçiləri erməniəsilli sakinlərə müvafiq yardımlar göstəriblər.
Daha sonra isə erməniəsilli sakinlər Gorus istiqamətində hərəkət ediblər.
