Microsoft-un qurucusu Bill Qeytsin qızı Cennifer Qeyts ikinci körpəsini dünyaya gətirib. Qeyts şad xəbəri sosial media hesabında bir paylaşımla açıqlayıb. Amerikalı milyarder ikinci nəvəsi ilə də xoşbəxtliyini izləyiciləri ilə bölüşüb.
Dünyanın ən zəngin adamlarından biri olan Bill Qeytsin keçmiş həyat yoldaşı Melinda French ilə evliliyindən qızı olan Cennifer Qeyts 16 oktyabr 2021-ci ildə misirli peşəkar atlı Nayel Nassarla evlənib.
Sherg.az xəbər verir ki, Leyla adlı qızı olan məşhur cütlükdən Cennifer Qeyts keçən iyun ayında ikinci dəfə ana olacağını izləyiciləri ilə bölüşüb.
Hamiləliyini "Leyla böyük bacılığa yüksəldir" sözləri ilə elan edən Cennifer Qeytsdən şad xəbər gəlib.
Cennifer Qeyts və əri Nayel Nassar ikinci körpələrinin dünyaya gəlişinin sevincini yaşayıblar.
Xoş xəbəri sosial media hesabındakı paylaşımla elan edən Qeyts, “Evliliyimizin üçüncü ildönümündə dünyaya gələn Mia. O bizim istəyə biləcəyimiz ən yaxşı hədiyyədir" deyib.
Balaca Leylanın yeni doğulan bacısına baxan fotosu minlərlə bəyənmə və şərh toplayıb.
İkinci dəfə baba olmaqdan xoşbəxt olan Bill Qeyts qızının paylaşımından sitat gətirib.
69 yaşlı Qeyts xoşbəxtliyini "Dünyaya xoş gəlmisən, Mia. Sənin baban olduğum üçün çox şanslıyam" sözləri ilə ifadə edib.
