Polşa Ermənistan və Azərbaycan arasında münasibətlərin normallaşmasına kömək etməyə hazırdır.
Axar.az xəbər verir ki, bunu Ermənistanda səfərdə olan Polşa Prezidenti Andjey Duda deyib.
O, İrəvanda Ermənistan Prezidenti Vaaqn Xaçaturyanla mətbuat konfransı keçirib. Duda İrəvanın Avropaya yaxınlaşması prosesini dəstəklədiyini bildirib.
“Avropa üçün Cənubi Qafqaz regionunda sülhün əldə olunması vacibdir. Ehtiyac olarsa, Varşava Azərbaycanla münasibətlərin normallaşmasına kömək etməyə hazırdır. Ermənistan bizə hər zaman güvənə bilər”, – Duda qeyd edib.
