Türkiyə Prezidenti Rəcəb Tayyib Ərdoğan Oman Sultanı Heytəm bin Tariq Əl Səid ilə telefon danışığı aparıb.
Teleqraf xəbər verir ki, bu barədə Türkiyə Prezident Administrasiyasının İctimaiyyətlə Əlaqələr İdarəsi məlumat yayıb.
Görüş zamanı İsrail ilə İran arasındakı münaqişə, regional və qlobal məsələlər müzakirə edilib.
Türkiyə Prezidenti görüşdə İsrailin İrana qarşı hücumları ilə başlayan qarşıdurmaların region təhlükəsizliyi üçün böyük risk yaratdığını və regionun yeni bir müharibəyə hazır olmadığını ifadə edib.
Ərdoğan Netanyahunun rəhbərlik etdiyi hökumətin qlobal sabitlik və təhlükəsizlik üçün problemə çevrildiyini, hücumların nüvə danışıqlarının altıncı raundu ərəfəsində baş verməsinin düşündürücü olduğunu və Türkiyənin nüvə mübahisəsinin həllində yeganə yolun danışıqlar olduğunu bildirib.
