Fransa Prezidenti Emmanuel Makron, həyat yoldaşı Briqit Makron ilə birlikdə qatıldıqları Vyetnam səfəri zamanı kameralara əks olunan görüntülərlə bağlı ilk dəfə danışıb.
Sherg.az xəbər verir ki, Makron təyyarədən enərkən Briqitlə mübahisə yaşamış, ardından həyat yoldaşı Fransa prezidentinin üzünə yüngül bir sillə vurmuşdu.
Kameralara düşən bu görüntülərlə bağlı danışan Makron belə deyib: “Həyat yoldaşımla sadəcə zarafat edirdik. Doğrudan da, sadəcə əylənirdik. Ancaq təəccüblü şəkildə bu, sanki planet miqyasında bir fəlakətə çevrildi.”
Makronun yaxın dostlarından biri hadisəni bir cütlüyün zərərsiz “söz atışması” kimi xarakterizə etmişdi.
Başqa bir mənbə isə jurnalistlərə belə demişdi: “Prezident və xanımı səfərə başlamazdan əvvəl son dəfə zarafat edərək gərginliyi atdıqları bir an idi.”
