Donald Trampın media şirkəti kriptovalyutaya sərmayə qoymaq üçün 3 milyard dollar toplamaq məqsədilə danışıqlar aparır.
Sherg.az xəbər verir ki, "Trump Media" & "Technology Group"un rəqəmsal aktivləri dəstəkləmək məqsədilə 2 milyard dollarlıq özəl kapital və 1 milyard dollarlıq istiqraz toplamağa çalışdığı bildirilir.
Şirkətin əsas səhmləri, Trampın oğlu Donald Jr.-ın rəhbərlik etdiyi bir fond vasitəsilə Trampa məxsusdur. Yəni, Tramp və ailəsi uğurlu investisiyalardan birbaşa gəlir əldə edəcək.
Gözlənilən bu razılaşmanın, Trampın iş və siyasi məsələləri bir-birindən ayırmaqdan imtina etməsinə yönələn yeni tənqidlərə səbəb olacağı ehtimal edilir.
Massachusetts ştatından Demokrat senator Elizabet Uorren Trampın siyasətlərinin Prezidentin “cibini doldurmasına” şərait yaratdığını bildirib.
Ağ Ev isə Trampın kriptovalyuta işlərinin bir fond vasitəsilə idarə olunduğunu və buna görə maraq toqquşmasının olmadığını israrla bəyan edib.
