Qərbi Azərbaycanın mərkəzi Urmiya şəhərində yerləşən həbsxanada biri qadın olmaqla 6 məhbus edam edilib.
Bu barədə “Azad İran” “Telegram” kanalı məlumat verib.
Məlumata görə, insan haqları təşkilatları edam hökmlərinin martın 16-sı səhər saatlarında icra edildiyini bildiriblər. Onların qətl və narkotik maddələrin satışında günahlandırıldıqları qeyd edilir. Xatırladaq ki, bu il iki ay yarım müddət ərzində İran həbsxanalarında 138 məhkum edam edilib və bu son 8 ilin ən yüksək göstəricisidir.
