Sakryanın Sapanca rayonunda Sapanca Kanat Şirkəti İdarə Heyətinin üzvü Burhan Özgümüş düşmən münasibətində olduğu E.Ö tərəfindən güllələnib.
"Sherg.az" Türkiyənin DHA agentliyinə istinadən xəbər verir ki, hadisə bu gün saat 12.00 radələrində Sapanca Bələdiyyə sədri Özcan Özenin ofisində baş verib.
Burada Sapanca Kanat İdarə Heyətinin üzvü Burhan Özgümüşlə şərikli ticarətlə məşğul olduğu, amma son dövrdə aralarında düşmənçilik yarandığından məhkəmə çəkişməsinə cəlb edilən E.Ö arasında gərginlik yaşanıb.
Mübahisə zamanı qəfil E.Ö tapançadan atəş açıb. Ayağından güllə yarası alan Özgümüş təcili yardımla Sakarya Təhsil və Araşdırma Xəstəxanasına aparılıb.
Verilən məlumata görə, Özgümüşün vəziyyəti qənaətbəxşdir. Hadisəni törədərək aradan çıxan E.Ö-nün tutulması üçün əməliyyat axtarış tədbirləri görülür.
Turan
