Həkimlər onun necə belə yaşadığına inana bilmirlər
Uzun illər əkinçiliklə məşğul olsa da, bir gün tarlada işləyərkən nə isə başına dəydi. Nə oldusa o vaxtdan sonra oldu. O, dəydiyi yerdə çıxıntı hiss etdi, əvvəlcə fikir vermədi, hətta 5 il belə gözlədi. Lakin sonda başında əmələ gələn buynuz ucbatından çəkdiyi əziyyətlərə dözə bilməyib. Sherg.az xarici mediaya istinadən həkimləri belə təəccübləndirən 10 sm-lik buynuzun arxasındakı həqiqəti təqdim edir.
İnsan orqanizmində yaranan və təəccüb doğuran bir çox problemlərin şahidi olmuşuq. Lakin bunlar arasında tibb tarixində nadir rast gəlinən biri də var. Hindistanın bir kəndində fermer olan Şyam Lal Yadav (74) başında yavaş-yavaş böyüyən çox kiçik bir qabarı görəndə çox narahat olub. Bu çıxıntının tarlada işləyərkən başını bir yerə vurduqdan sonra əmələ gəlməyə başladığını deyən şəxs sonradan başına nə gələcəyindən xəbərsiz olub. Bu qabar daha sürətlə böyüməyə başladı və hətta buynuz şəklini aldı. Əvvəlcə ona çox qəribə gəlib, sonradan bununla yaşamağa öyrəşib. İş o yerə çatdı ki, o, bərbərin yardımı ilə buynuzunu kəsərək nəzarət altına aldıqlarını düşündü. Ancaq vəziyyət düşünüldüyü qədər sadə deyildi. Böyümə daha da artdıqda, Şyam Lal Yadav həkimə müraciət etdi, lakin problemin həllini tapa bilmədilər. Heç kim nə baş verdiyini başa düşə bilmədi.
Qoca əkinçi həkimə getdi və nəhayət cərrahlardan buynuzunu çıxarmağı xahiş etdi. Mütəxəssislər deyirlər ki, 'yağ buynuz' adlanan bu çıxıntı dəri və dırnaqlarda keratindən ibarət olan daha çox xoşxassəli şişdir; Bildirdilər ki, adətən üz, əl, qulaq və dırnaqlarda böyüyür. Əkinçini müalicə edən Cərrah Dr. Vishal Gajbhiye deyir:
"Müalicələr müxtəlifdir, cərrahiyyə, şüa terapiyası və kimyaterapiya ola bilər. Bizə müraciət edən pasiyent təxminən 5 il əvvəl başından zədələnib və sonra başında şişlik böyüməyə başlayıb. Əvvəlcə heç bir diskomfort yaratmadığı üçün buna əhəmiyyət verilməyib. Lakin şiş sərtləşib, daha da böyüməyə başlayanda xəstəxanamıza müraciət edib. Aparılan araşdırmalar nəticəsində köklərin çox da dərin olmadığını gördük və onları aradan qaldıra biləcəyimizə qərar verdik. Buynuz dırnaqlarda da olan keratindən ibarət olduğu üçün tibbi dildə buna nadir formasiyalar deyilir, yara, indi tam sağalıb”.
Həkimlər əvvəlcə hansı müalicənin lazım olacağını müəyyən etmək üçün müayinələr apardılar. Daha sonra cərrahlar qoca fermerin 5 ildir başında gəzdirdiyi buynuzunu uğurla çıxarıblar.
Ancaq bu böyümənin təkrarlanmaması üçün kök səbəbini müalicə etməli olduqlarına diqqət çəkən cərrahlar, “Şyam əməliyyatdan sonra sağalmaq üçün 10 gün xəstəxanada qaldı və biopsiya onun zərərsiz olduğunu təsdiqlədi. Belə bir artım çox nadir olduğu üçün biz də işin təfərrüatlarını International Journal of Surgery jurnalına göndərdik".
“Şeytan buynuzları” adlanan qəribə görünüşlü xəstəlik heyvanın buynuzlarına bənzəyən dəri şişləridir. Onlar adətən üz, qulaq və əlin arxasında, xüsusilə 60-70 yaşlarında görünür. Şişlər dəriyə xas olan keratindən əmələ gəlir və daha çox günəşdən zədələnmiş dərisi olan insanlarda baş verir. Bu buynuzlar zərərsiz ola bilər, xərçəngdən əvvəl görünə bilər və ya xərçəng xarakteri daşıyır. Onlar hətta altda yatan bir kistin əlaməti ola bilər.
Elm adamları bu buynuzların əmələ gəlməsinin dəqiq səbəbini bilmirlər. Yüksək səviyyəli radiasiyaya məruz qalma ilə əlaqənin mövcud olduğuna inanılsa da, bu təsdiqlənmir. Onlar adətən günəşə məruz qalan yerlərdə göründükləri üçün günəşin onun əmələ gəlməsində rol oynaya biləcəyinə dair bir nəzəriyyə var. Mütəxəssislər deyirlər ki, kişilərdə belə bir şiş yaranır və xərçəngə tutulur.
