Braziliyanın San-Paulu şəhərində turist selfi çəkdirərkən az qala öləcəkdi.
Sherg.az xəbər verir ki, turist çimərlikdə gəzib foto çəkdirərkən yerli hava limanına enməyə hazırlaşan təyyarə sürüşərək uçuş-enmə zolağından çıxıb.
Telefonun kamerası kadra daxil olanda gənc təyyarənin yaxınlaşdığını görüb.
Daha sonra turist istəmədən Cessna təyyarəsinin Qastão Madeyra Dövlət Hava Limanında uçuş-enmə zolağından çıxaraq hasara çırpılması zamanı pilotun öldüyü anı lentə alıb.
Alova bürünən təyyarədən bir cütlük və iki uşaq da daxil olmaqla daha dörd nəfər sağ-salamat qaça bilib.
Gənc şanslı qaçışını belə izah edib: "Hava limanının uçuş-enmə zolağının düz qarşısında selfi çəkirdim. Sonra təyyarə mənə doğru gəlməyə başladı. Mən ancaq səsi eşitdim və telefonumun sayəsində uçuş zolağından çıxdığını gördüm.
Qaçmağa belə vaxtım olmadı, sadəcə geri döndüm və bu an artıq təyyarə hasara dəydi. Daha sonra tam əvvəl dayandığım yerə qədər sürükləndi, təyyarə yanımdan cəmi 4 metr aralı keçdi".
O, partlayış nəticəsində qollarında və kürəyində yanıqlar olduğunu bildirib.
Videonu lentə alan gənc və çimərlikdə olan digər turistlər təyyarənin şüşələrini daşlarla sındıraraq sərnişinləri xilas etmək üçün təyyarəyə daxil olublar.
