Elazığda havalar isindikcə ilanlar da peyda olmağa başlayıb. Karakoçanın Sarıcan qəsəbəsindəki ilan uzunluğu və qalınlığı ilə görənləri təəccübləndirib. Vətəndaş tərəfindən tutulan ilan öldürülərək zərərsizləşdirilib.
Sherg.az türk mediasına istinadən xəbər verir ki, Artvinin Yusufeli rayonunda bağçada işləyən zaman ilan sancan yaşlı qadın dünyasını dəyişib. Biləcikdə hava istiliyinin qəfil artması ilə əlaqədar şəhər mərkəzində peyda olan ilanlar yanğınsöndürənlər tərəfindən götürülərək təbiətə buraxılır.
Məlumata görə, Sebzeciler kəndində 75 yaşlı Gülsahin Çakmak bağçasında işləyərkən ayağını basdığı ilan tərəfindən sancılıb. Vəziyyəti görən qonşuları dərhal yaşlı qadını Yusufəli Dövlət Xəstəxanasına aparıblar.
İlk müdaxilədən sonra Çakmak Artvin Dövlət xəstəxanasına köçürülüb. Burada bütün müdaxilələrə baxmayaraq, yaşlı qadını xilas etmək mümkün olmayıb.
Biləcik mərkəzinin Beşiktaş rayonunda təhsil verən Fen Liseyinin bağçasında görünən ilan çaxnaşmaya səbəb olub. Məktəb rəhbərliyi vəziyyəti dərhal bələdiyyəyə çatdırıb və ilanı müşahidə altına alınıb. Məktəb bağçasına gələn qruplar ilanı aparat vasitəsi ilə kisəyə qoyaraq daha sonra təbiətə buraxıblar.
Şəhərin müxtəlif yerlərində görünən ilanlara yanğınsöndürmə briqadaları dərhal müdaxilə ediblər, vətəndaşlar yanğınlarda və müxtəlif hadisələrdə yorulmadan mübarizə aparan qruplara təşəkkür edib.
