
Qış mövsümünə hazırlıq: Bu cür yanaşma effektiv və müsbət nəticələrə səbəb ola bilər -RƏY
09:17 03.12.2024
Cəmiyyət
686
Qış mövsümünə hazırlıqla bağlı paytaxt rayonlarında təsdiq edilmiş tədbirlər planlarına uyğun mövsümə və xüsusilə qarlı havalara hazırlıq tədbirləri davam edir.
Bakı Şəhər İcra Hakimiyyətinin Mətbuat Xidmətindən APA-ya verilən xəbərə görə, şəhərin və rayon kommunal xidmətlərinin xüsusi təyinatlı texnikaları hazır vəziyyətə gətirilib, əlavə tədbirlər görülüb. Görülən işlərə nəzarət məqsədi ilə Bakı Şəhər İcra Hakimiyyəti tərəfindən hər bir rayona cavabdeh şəxs təyin edilib.
Paytaxtda qarlı havalara hazırlıq tədbirlərinin vəziyyəti məsələləri Pirallahı, Səbail və Qaradağ rayonlarında müzakirə edilib. Müşavirələrdə Bakı Şəhər İcra Hakimiyyətinin məsul şəxsləri, rayon rəhbərliyi, kommunal-təsərrüfat və digər aidiyyəti qurumların rəhbərləri, həmçinin özəl sektorun nümayəndələri də iştirak ediblər. Müşavirələrdə hər bir sahənin rəhbərinin hesabatı dinlənilib.
Qeyd olunub ki, rayonlardakı hər bir təşkilat mövsümə hazırlıq tədbirlərinin həyata keçirilməsində fəal iştirak etməli və yağıntılar zamanı bitişik ərazinin qardan və buzdan təmizlənməsi üçün müvafiq tədbirlər görməlidirlər. Qarın təmizlənməsi işlərinə kommunal qurumların texnikası ilə yanaşı idarə, təşkilat, bələdiyyə və özəl qurumların da mövcud texnikalarının cəlb edilməsi qərara alınıb.
Eyni zamanda həm də ictimai iaşə müəssisələrinin, özəl qurumların rəhbərlərinə, ictimaiyyət nümayəndələrinə qarlı günlərdə Avropa ölkələrində də qəbul edilən qaydalara uyğun özlərinə aid ərazilərin təmizlənməsində yaxından iştirak etməyə cağırış edilib.
Təhlükəsizlik məsələləri üzrə ekspert Elmar Nurəliyev "Sherg.az"a açıqlamasında bildirib ki, payız-qış mövsümündə müvafiq qurumların tədbirlər planı var:

“Bu tədbirlər planına uyğun olaraq öz işlərini həyata keçirirlər. Qış mövsümündə Bakıda təhlükəsizlik tədbirləri həm ictimaiyyətin təhlükəsizliyini təmin etmək, həm də təbii fəlakətlərin təsirini minimuma endirmək məqsədi daşıyır. Şəxsi yanaşmama görə təklif edirəm ki, payız, qış, yaz və yay mövsümündə fəaliyyət planı öncəki illərdə yaranmış problemlərlə olmasın. Yəni, hansı ərazilər daha çox təhlükə riski daşıyıb, hansı ərazilərdə daha çox qar yağıb, buz bağlayıb, nəqliyyat vasitələrinin hərəkəti çətinləşib, qəzalar və s. təhlükələr olubsa, həmin yerlərdə daha operativ, daha gücləndirilmiş bir iş rejimi və fəaliyyət planı olmalıdır. Həmçinin yolların təhlükəsizliyi ön planda saxlanılmalıdır. Buzlar əridilməli, və qarlar təmizlənməlidir. Hava proqnozları və təhlükəsizlik təlimatları ilə insanlar məlumatlandırılmalıdır. Eyni zamanda Fövqaladə Hallar Nazirliyi və digər xilasetmə xidmətləri təlim keçmiş və heyət avadanlıqları ilə təchiz olunmalıdır. Bu cür yanaşma effektiv və müsbət nəticələrə səbəb ola bilər”.
Oxşar xəbərlər
Xəbər lenti
Hamısına bax
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual
Mətbuat Şurası İdarə Heyətinin iclası keçirilib
17:06 18.11.2026
Media
Numan Kurtulmuş Özgür Özəli ziyarət edəcək
16:57 18.11.2026
Siyasət
Bakıda və bəzi rayonlarda külək güclənəcək - XƏBƏRDARLIQ
16:54 18.11.2026
Ekologiya
Bakı Dialoqunun yekun Bəyannaməsi BMT-nin rəsmi sənədi kimi yayılıb
16:30 18.11.2026
Dünya
Putin və Tramp Çində ayaqüstü söhbət ediblər
16:13 18.11.2026
Gündəm
Kino Agentliyi “Azərbaycanfilm” kinostudiyasına köçürüləcək
16:07 18.11.2026
Mədəniyyət
Yeni dünya düzəni qurulmur, Putinə isə imic lazımdır - ŞƏRH
16:04 18.11.2026
Gündəm