Fasın Fəs şəhərində yerləşən Fəs-Sais Hava Limanı yaxınlığında dünən baş verən təyyarə qəzasında 4 nəfər yaralanıb.
Sherg.az xəbər verir ki, eniş zamanı uçuş zolağından çıxan kiçik bir təyyarə hava limanı ətrafındakı divara çırpılıb. Nəticədə ekipaj üzvlərindən 3 nəfər və hadisə yerində olan 1 mülki şəxs yaralanıb.
Rəsmilər hadisə zamanı təyyarədə sərnişin olmadığını və ölüm faktının qeydə alınmadığını açıqlayıblar.
Yaralılar xəstəxanaya aparılıb və müalicəyə cəlb olunub. Qəza ilə bağlı araşdırmalara başlanılıb.
