İstanbul Hava Limanında dünən Avropada ilk dəfə həyata keçirilən “Eyni Zamanda Üç Müstəqil Zolaqda Əməliyyat” (Triple Independent Parallel Runway Operations) çərçivəsində 3 Türk Hava Yolları (THY) təyyarəsi eyni anda uğurla eniş edib.
Sherg.az xəbər verir ki, Nəqliyyat və İnfrastruktur naziri Abdulkadir Uraloğlunun 3 THY təyyarəsinə havaya qalxma icazəsi verməsi ilə start verilən bu əməliyyat, İstanbul Hava Limanında yeni bir dövrün başlanğıcı sayılır.
Baş tutan tarixi eniş əməliyyatında iştirak edən təyyarələr:
TK1794 reysi ilə Stokholm-İstanbul marşrutunu yerinə yetirən Boeing 737-800,
TK2419 reysi ilə Antalya-İstanbul marşrutunu yerinə yetirən Airbus A321,
TK1822 reysi ilə Paris-İstanbul marşrutunu yerinə yetirən Airbus A330 təyyarələri oldu.
Saat 16:30-da gerçəkləşən bu əməliyyat nəticəsində üç təyyarə eyni anda İstanbul Hava Limanının fərqli pistlərinə uğurla eniş etdi və bu hadisə Avropada bir ilk olaraq tarixə düşdü.
İstanbul Hava Limanı bu uğurla Avropada eyni anda üç təyyarənin həm eniş, həm də qalxış etdiyi ilk hava limanı statusunu qazandı.
