Türkiyənin Muğla bölgəsinin Fethiye rayonunda 25 yaşlı İbrahim Solak evində odlu silahla vurulmuş halda ölü tapılıb. Evdəki təhlükəsizlik kamerası görüntülərini incələyən polis, hadisəyə dair şok bir həqiqəti ortaya çıxarıb.
Sherg.az xəbər verir ki, hadisə ötən gecə Fethiye rayonunun Esenköy məhəlləsində baş verib. Daxil olan məlumat üzərinə təxirəsalınmaz tibbi yardım və polis əməkdaşları hadisə yerinə göndərilib. Evə daxil olan polis əməkdaşları, İbrahim Solakı qan içində və hərəkətsiz vəziyyətdə tapıb. Sağlamlıq qruplarının nəzarətində onun həyatını itirdiyi təsdiqlənib.
Silahla vurularaq öldürüldüyü müəyyən edilən Solakın cəsədi, polis və prokurorun hadisə yerindəki araşdırmalarından sonra Muğla Ədliyyə Tibb İdarəsinin morquna aparılıb.
Polis, İbrahim Solakın ev yoldaşını saxlayıb. Evdəki təhlükəsizlik kamerasının görüntülərini incələyən polis, hadisə günü 3 nəfərin bağ divarından atlayaraq evə daxil olduğunu aşkarlayıb. Bu görüntülər Solakın ev yoldaşına göstərilib. Ev yoldaşı, həmin gün İbrahim Solakın ofisiant işlədiyi oteldə olduğunu bildirib və ifadəsinin ardından sərbəst buraxılıb.
Polis, təhlükəsizlik kamerasından şəxsiyyətləri müəyyən edilən 3 şübhəlini Manisada yaxalayaraq nəzarətə alıb. Bu şəxslərin öldürülən İbrahim Solakın sevgilisinin dostları olduqları bildirilib.
Bundan əlavə, əslən Denizlidən olan və motosiklet ustası kimi çalışan İbrahim Solakın daha sonra oteldə işləmək məqsədilə Fethiyəyə köçdüyü məlum olub.
İbrahim Solakın silahla qətlə yetirilməsinə dair aparılan istintaq çərçivəsində bir nəfər də saxlanılıb. Beləliklə, gözaltına alınanların sayı 4-ə yüksəlib.
Hadisə ilə bağlı istintaq davam etdirilir.
