Gədəbəy rayonunda tanışını bıçaqlayan şəxs tutulub.
APA-nın yerli bürosunun məlumatına görə, hadisəni törədən şəxs rayonun Düzyurd kənd sakini 1982-ci il təvəllüdlü Elməddin Şamilov Gədəbəy rayon polis şöbəsinin əməkdaşları tərəfindən saxlanılıb. Saxlanılan şəxs ilkin dindirilmə zamanı hadisəni şəxsi münasibətlər zəminində törətdiyini deyib.
Saat 02:37
Gədəbəydə bıçaqlanma hadisəsi baş verib.
APA-nın yerli müxbirinin məlumatına görə, hadisə rayonun Düzyurd kəndində qeydə alınıb.
Kənd sakini ,1984-cü il təvəllüdlü Anar Surxay oğlu Məhərrəmov bıçaqlanma xəsarəti ilə xəstəxanaya yerləşdirilib.
O, əməliyyat olunub. Vəziyyətinin orta-ağır olduğu bildirilir.
İlkin məlumata görə, hadisəni A.Məhərrəmovun qonşusu Elməddin Şamilov törədib.
Hadisə yerinə hüquq-mühafizə orqanlarının əməkdaşları cəlb edilib.
Faktla bağlı araşdırma aparılır.
