Qax rayonunda yol-nəqliyyat hadisəsi baş verib.
Oxu.Az-ın bölgə müxbiri xəbər verir ki, hadisə səhər saatlarında şəhər ərazisində qeydə alınıb.
Rayon sakini İntiqam Mirzəyevin idarə etdiyi “VAZ-2104” markalı minik avtomobili ilə Cuma Məmmədovun idarə etdiyi “Ford Transit” markalı yük maşını toqquşub.
Nəticədə, İ.Mirzəyev müxtəlif dərəcəli bədən xəsarətləri ilə Qax Rayon Mərkəzi Xəstəxanasına çatdırılıb. Fakt araşdırılır.
