Cənubi Afrika Respublikası (CAR) yığmasının müdafiəçisi Motjeka Madişa avtomobil qəzasında dünyasını dəyişib.
![](https://sherg.az/uploads/editor/2379c902218bf0bfb5b4282b873f7e1c.jpg)
Qol.az xəbər verir ki, bu barədə sözügedən ölkənin futbol federasiyasının rəsmi saytı məlumat yayıb.
“Mamelodi Sandaunz” klubunda çıxış edən 25 yaşlı futbolçunun şənbə günü Yohannesburq yaxınlığında avtomobili ilə qəzaya uğradığı bildirilib. Hadisə sözügedən klubun 50 illik yubileyinə həsr olunmuş tədbirdən sonra baş verib.
Madişa CAR yığmasında keçirdiyi 13 oyunda 1 qolla yadda qalıb.