Türkiyə Super Liqasında XXV turun daha 4 oyunu keçirilib.
Apasport.az saytının məlumatına görə, liderlər qrupunda qərarlaşan “Qalatasaray” ev matçına çıxıb.
Çempionatın son 5 görüşündə qələbə qazanan “cim-bom” uğurlu seriyanı davam etdirib. Fatih Terimin kollektivi elitada qalmağa çalışan “Kasımpaşa”nı minimal hesabla üstələyib.
“Göztəpə”nin qonağı olan son çempion “Başakşəhər” səfərdən xalsız dönüb.
Turnir cədvəlində qonşu olan “Hatayspor”la “Alanyaspor”un duelində isə sülh qeydə alınıb.
Fevralın 15-də keçiriləcək “Gənclərbirliyi” – “Beşiktaş” (17:00) və “Antalyaspor” – “Yeni Malatyaspor” (20:00) görüşləri ilə tur başa çatacaq.
Türkiyə Super Liqası
XXV tur
14 fevral
“Konyaspor” – “Dənizlispor” – 2:0
Abdulkərim Bardakçı, 52, Sekidika, 80
“Qalatasaray” – “Kasımpaşa” – 2:1
Kərəm Aktürkoğlu, 9, Mustafa, 89 (pen.) – Tyelin, 51
“Göztəpə” - “Başakşəhər” – 2:1
Soner Aydoğdu, 24, Zulj, 52 (pen.) – Dəniz Turuc, 59
“Hatayspor” – “Alanyaspor” - 0:0
