Qətərdə keçirilən futbol üzrə mundialda bu gün daha bir 1/4 finalçının adına aydınlıq gəlib.
Apasport.az xəbər verir ki, mundialın 1/8 final mərhələsində İngiltərə və Seneqal üz-üzə gəlib.
Britaniyalılar son mundialda olduğu kimi, azı yarımfinala, Seneqal isə 20 il əvvəlki dünya çempionatında olduğu kimi 1/4 finala vəsiqə qazanmaq arzusunda idi.
Bu tərəflərin ilk rəsmi qarşılaşması kimi yadda qalıb.
Oyun 3:0 avropalıların qələbəsi ilə başa çatıb.
Növbəti mərhələdə İngiltərə yığması Fransa ilə qarşılaşacaq.
Dünya çempionatı-2022
1/8 final
23:00 İngiltərə – Seneqal - 3:0
Qol: Cordan Henderson, 39. Hari Keyn, 45+3. Bukayo Saka, 57
