Ukrayna hökuməti müstəqil şəkildə yeni, uzaqmənzilli silahlar istehsalı sahəsində ciddi uğurlar əldə edib.
Axar.az xəbər verir ki, bu barədə “Telegraph” nəşri yazıb.
Bildirilib ki, söhbət 2023-cü ildən hazırlanmasına başlanılan “Trembita” raketindən gedir. Ukrayna şirkəti ölkə sərhədindən 400 mil məsafədə olan Moskvaya çata biləcək versiya üzərində işləyir. Məlumata görə, “Trembita”nın bu versiyası 2025-ci ildə istehsal ediləcək.
Bu raketin ən böyük üstünlüyü həddən artıq ucuz olmasıdır. Belə ki, Moskvaya çata biləcək versiyanın 10 min dollara başa gələcəyi gözlənilir. Bu, dünyanın ən ucuz uzaqmənzilli raketi olacaq. Müqayisə üçün bildirək ki, ATACMS raketinin qiyməti 1 milyon dollardan çoxdur.
Qeyd edək ki, bir neçə gün öncə “Ekonomist” də “Trembita” ilə bağlı məlumat yaymışdı.
