“Beşiktaş” baş məşqçisi Sərgən Yalçınla yollarını ayırıb.
Apasport.az saytının məlumatına görə, 49 yaşlı mütəxəssis vəzifəsindən istefa verib.
Bu gün “ağ-qaralar”ın məşqindən əvvəl futbolçularla görüşən çalışdırıcı ayrıldığını açıqlayıb. Komandanı məşqə köməkçi-məşqçi Murat Şahin çıxarıb. Rəhbərliklə də görüşən Yalçın istefa ərizəsini təqdim edib.
Qeyd edək ki, ötən ilin yanvarında “Beşiktaş”ın sükanı arxasına keçən Sərgən Yalçın 2020/21 mövsümündə komandaya Türkiyə çempionluğunu qazandırıb.
