Premyer Liqanın X turunda “Neftçi” ilə matçda zədələnən “Qarabağ”ın futbolçusu Mahir Emrelinin əzələsində dartınma olduğu aşkarlanıb.
Oxu.Az xəbər verir ki, 22 yaşlı hücumçunun təxminən iki həftə yaşıl meydanlardan uzaq qalacağı gözlənilir.
Bu isə o deməkdir ki, Mahir Emreli iki gün sonra Kiprin APOEL klubu ilə, eləcə də, millimizin bu ay keçirəcəyi Uels və Slovakiya ilə görüşləri buraxacaq.
