Azərbaycan millisi FIFA reytinqində ötən ayla müqayisədə bir pillə geriləyib.
Oxu.Az xəbər verir ki, Canni De Byazinin başçılıq etdiyi komanda 2022-ci ilin ilk reytinq siyahısında 1139 xalla 121-ci pillədə qərarlaşıb.
Geriləməyimizə səbəb Malavi millisinin irəliləməsidir. Bu komanda Afrika Millətlər Kubokunda 1/8 finaladək irəlilədiyindən, Azərbaycanla bərabər, Qazaxıstan, Zimbabve, Qvatemala, Farer adaları kimi komandaları qabaqlayıb.
Qeyd edək ki, reytinqin ilk 10 komandası dəyişməyib. İlk 3 pillədə Belçika (1828), Braziliya (1826) və Fransa (1786) yer alıb.
