Turşu bağlama mövsümünün başlaması ilə tərəvəz bazarında bahalaşma müşahidə edilir.
Bakupost.az xezerxeber-ə istinadla bildirir ki, piştaxtaları bəzəyən növbənöv məhsullar kimi qiymətləri də fərqlidir.
Satıcıların sözlərinə görə, qış hazırlığı üçün istifadə olunan bu məhsulların baha olmasının yerində qiymətlərin ucuz olmamasıdır.
Satıcıların dediyinə görə, bazarda ən çox bahalaşma pomidordadır.
Alıcılar da son günlər qiymətlərdə artım olduğunu bildirirlər.
Satıcılar sözügedən məhsullarda bahalaşmanın növbəti aylarda da davam edəcəyini proqnozlaşdırırlar.
Məsələ ilə bağlı "Sherg.az"a danışan iqtisadçı ekspert Xalid Kərimli bildirib ki, pomidorun və tərəvəzlərin qiymətinin ən ucuz vaxtı indi olmalıdır:
![](https://vergiler.az/media/2020/07/28/xalid.jpg)
“Açıq havada olan tərəvəzlər avqust, sentyabr, oktyabr aylarında bazara daxil olur. Ona görə də ən ucuz vaxt indiki vaxt sayılır. Bu mənada indi ucuz olmayıbsa, gələcəkdə də ucuz olması gözlənilmir. Çünki baha qiymət qoyurlar və bizdə baha alırıq. Ümumiyyətlə fermerlərin, sahibkarların xərci keçən il ilə müqayisədə eyni deyil. Bahalaşmanın digər səbəb isə bazara çıxarılan məhsulun həcmi də ötən il ilə müqayisədə daha az olmasıdır. Yəni Bahalaşma həm məhsuldarlıq, həm də ixracla əlaqəlidir. İxrac da keçən ilə nisbətən daha yüksək olub. Epizodik ucuzlaşmalar ola bilər, lakin sezonun sonuna doğru gedirik. Sentyabr, oktyabr ayı bostandan yığılan tərəvəzlərin son dövrüdür. Sonrakı mərhələdə piştaxtalarda istixanalardan gələn məhsullar olacaq. Ümumiyyətlə yığılıb saxlanıldıqdan sonra bazara çıxan məhsullar hər zaman baha olur. Çünki saxlanma xərci mövcuddur. Bundan sonra ucuzıaşmanın olacağına isə ümid etməməliyik.