“2030-cu ildə Gürcüstan Avropa İttifaqına üzvlüyə daha hazırlıqlı olacaq. Ədalətli yanaşma olacaqsa, bu, mütləq baş verəcək”.
Teleqraf-ın yerli bürosu xəbər verir ki, bunu Gürcüstanın Baş naziri İrakli Kobaxidze jurnalistlərə açıqlamasında deyib.
O, Avropa İttifaqının Gürcüstana yanaşmalarının dəyişəcəyinə ümid etdiyini bildirib.
“Belə olan halda hesab edirəm ki, Gürcüstanla Avropa İttifaqı arasında münasibətlər yaxşılaşacaq”, - İ.Kobaxidze söyləyib.
Baş nazir təəssüflə qeyd edib ki, Gürcüstanın Avropa yanaşmasına əksər hallarda sovet yanaşması ilə cavab verilir:
“Biz hesab edirdik ki, sovet yanaşmasından 35 il öncə azad olmuşuq, lakin təəssüflər olsun ki, biz bu yanaşmaların qüvvədə olduğunu görürürük. Bizi ən çox narahat edən odur ki, bu cür yanaşmaları Qərb tərəfdən müşahidə olunur”.
