“İqtisadiyyatımızı böyük “oyunçu”ların hesablamarına uyğun tənzimləməliyik”
Milli Məclisin İqtisadi, sənaye və sahibkarlıq komitəsinin sədri Tahir Mirkişili parlamentin sonuncu iclasında vaksinasiyadan danışıb. Komitə sədri bunun neft qiymətlərinə müsbət təsir göstərəcəyini də qeyd edib:
“Ona görə də 2021-ci ilin büdcəsində neftin 1 barelinin 40 dollar götürülməsi məqsədəuyğundur”. Deputat aparılacaq vaksinasiyanın 2021-ci ilin ikinci yarısından etibarən iqtisadi aktivliyi artıracağını düşünür.
Parlamentarinin fikrini “Sherg.az”a dəyərləndirən Neft Araşdırmalar Fondunun rəhbəri İlham Şabanın sözlərinə görə, bu, daha çox obyektiv amillərlə bağlıdır:
“Hökumət mümkün riskləri, yəni neftin qdünya bazarındakı qiymətinin “oynamasını” nəzərə alaraq bu qərarı verib. Belə təxmin edilir 2021 cari ilə nisbətən iqtisadi baxımdan daha ümidverici olacaq.
Çünki enerjiyə olan tələbat artacaq. Əgər bu il neftin orta bazar qiyməti 42 dollardısa, gələn il 47-48 dollar ola bilər.
Nəzərə almaq lazımdır ki, biz neftin dünya bazarına təsir edə bilmirik. Neft hasilatındakı rolumuz çox cüzidir. Ona görə də iqtisadiyyatımızı böyük “oyunçu”ların hesablamarına uyğun tənzimləməliyik”.
