Qazın bahalaşması sadəcə Rusiya-Ukrayna müharibəsi ilə bağlı deyil
Yusif Nəzərli
21:20 24.02.2022
İqtisadiyyat
928
Yaranmış situasiya Azərbaycana əlavə dividendlər verə bilər
"Belə məqamda əsas şərt odur ki, Azərbaycan kimi dövlətlər iqtisadi və ərzaq təhlükəsizliyini təmin etmək üçün ciddi hazırlıqlara başlamalıdır. Baş verə biləcək hansısa forsmajor qiymət artımlarına və məhsul çatışmazlığına qarşı sığortalanmalıyıq"
Avropada qazın qiyməti 35 faiz bahalaşıb. Min kubmetr qaz fyuçersinin qiyməti 1400 dollara yüksəlib. İki gün əvvəl Avropada min kubmetr qazın qiyməti 961 dollar təşkil edirdi. Ekspertlərin fikrincə, kəskin bahalaşma Ukrayna ərazisinin Rusiya və Belarusun hücumlarına məruz qalması fonunda baş verir. Qərb-Rusiya gərginliyi fonunda qazın qiymətinin bahalaşmaqda davam edəcəyi gözlənilir.
İqtisadçı Pərviz Heydərov “Şərq”ə bildirib ki, Rusiyanın Ukraynaya hərbi müdaxiləsi qlobal iqtisadiyyatda müəyyən fəsadlara gətirib çıxaracaq. Nəinki Avropada qazın bahalaşması, həmçinin bir sıra sahələrdə ciddi, dərin problemlərin ortaya çıxmasına zəmin yaradacaq:
“Amma real situasiya elədir ki, konkret proqnoz vermək çox çətindir. Hadisələrin gedişatının nəyə gətirib çıxaracağı, hansı tempdə inkişaf edəcəyi məlum deyil.
Belə məqamda əsas şərt odur ki, Azərbaycan kimi dövlətlər iqtisadi və ərzaq təhlükəsizliyini təmin etmək üçün ciddi hazırlıqlara başlamalıdır.
Baş verə biləcək hansısa forsmajor qiymət artımlarına və məhsul çatışmazlığına qarşı sığortalanmalıyıq. İndiyə qədər ehtiyatlı siyasət yeritmişik, bundan sonrakı proseslərə də hazırlıqlı olmalıyıq.
Avropada enerji qiymətlərinin bahalaşmasının səbəbi sadəcə Rusiya-Ukrayna müharibəsi deyil. Qazın bahalaşması əvvəldən də müşahidə olunurdu. Təbii ki, son günlər yaşanan real hadisələr fonunda bu artım daha kəskin xarakter alacaq”.
P.Heydərov vurğulayıb ki, Azərbaycan enerji resurslarının idxalı ilə məşğuldur:
“Avropaya qaz idxal edən ölkələrdənik. Bu mənada Azərbaycan qazının dəyəri və qiyməti yaranmış situasiyada bizə əlavə dividend verə bilər. Ancaq hələlik gedişatı izləmək lazımdır.
Moskva Bəyannaməsinin müvafiq bəndləri Azərbaycan-Rusiya arasındakı iqtisadi əməkdaşlığın kənar təsirlərə məruz qalmayacağını diktə edir.
Bu da Azərbaycanın münaqişə tərəflərindən, o cümlədən Avropa iqtisadiyyatındakı təlatümlərdən daha az ziyanla çıxacağı anlamına gəlir”.
Oxşar xəbərlər
Xəbər lenti
Hamısına bax
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual
Mətbuat Şurası İdarə Heyətinin iclası keçirilib
17:06 18.11.2026
Media
Numan Kurtulmuş Özgür Özəli ziyarət edəcək
16:57 18.11.2026
Siyasət
Bakıda və bəzi rayonlarda külək güclənəcək - XƏBƏRDARLIQ
16:54 18.11.2026
Ekologiya
Bakı Dialoqunun yekun Bəyannaməsi BMT-nin rəsmi sənədi kimi yayılıb
16:30 18.11.2026
Dünya
Putin və Tramp Çində ayaqüstü söhbət ediblər
16:13 18.11.2026
Gündəm
Kino Agentliyi “Azərbaycanfilm” kinostudiyasına köçürüləcək
16:07 18.11.2026
Mədəniyyət
Yeni dünya düzəni qurulmur, Putinə isə imic lazımdır - ŞƏRH
16:04 18.11.2026
Gündəm