Siqmund Freyd yuxuları şüuraltına aparan “kral yolu” adlandırırdı. O hesab edirdi ki, yuxular gizli arzu və qorxularımızı üzə çıxara bilər. Sherg.az xəbər verir ki, müasir nəzəriyyələr bununla tam razılaşmasa da, bəzi yuxu mövzuları çox yayılıb və ümumi yozumları var.
1. Yuxuda yıxılmaq
Adətən həyatda nəyinsə yolunda getmədiyini, uğursuzluq qorxusunu və ya nəzarəti itirmə hissini ifadə edir.
2. Yuxuda çılpaq olmaq
Utanc, özünü müdafiəsiz hiss etmə və ya qüsurların üzə çıxacağından qorxunu göstərə bilər.
3. Yuxuda qovalanmaq
Real həyatda qaçdığınız problem, qorxu və ya məsuliyyətə işarə edir. Qovalayanın kimliyi yozum üçün vacibdir.
4. Yuxuda dişin düşməsi
Görünüş, özünə inam və ya ünsiyyətlə bağlı narahatlığı ifadə edir. Bəzən güc itkisi simvolu sayılır.
5. Yuxuda ölmək
Əksər hallarda dəyişiklik, yeni mərhələ və ya naməlumdan qorxu ilə əlaqələndirilir.
6. Yuxuda imtahan vermək
Hazırlıqsızlıq, uğursuzluq qorxusu və ya həyatın çətinliklərinə qarşı narahatlıq əlamətidir.
7. Yuxuda aldadılmaq
Münasibətdə güvən və ya ünsiyyət problemlərini, daxili şübhələri göstərə bilər.
8. Yuxuda uçmaq
Azadlıq, müstəqillik və sərhədlərdən qurtulma hissini ifadə edir. Bəzən reallıqdan qaçmaq istəyi ilə də əlaqələndirilir.
9. Yuxuda hamilə olmaq
Yeni ideya, yaradıcılıq, inkişaf və ya həyatınızda yetişməkdə olan bir dəyişiklik deməkdir.
Qeyd: Yuxuların mənası şəxsdən-şəxsə dəyişir. Onları ən düzgün şəkildə anlamaq üçün yuxunu gördüyünüz vaxtdakı emosional vəziyyətinizi də nəzərə almaq vacibdir.
